ROJANE

*Girtîgeha Tîpa T a Jinan a Tarsûsê tim bi îşkence û muameleyên kirêt dibe rojev. Girtiya bi navê Azize Yakoglu, nameyek şand û tiştên ku bi riya nameyê nivîsandin mirovan mat dihêle. Tê diyarkirin ji ber nû hatiye çêkirin ji girtîgehên din gelek girtî sewqî wê tên kirin û îşkence di rîngan de dest pê dike.

*Saziya Tiba Edlî 3 caran rapora "Nikare di girtîgehê de bimîne" da girtiyê bi navê Şehmus Îlhan. Li gel vê jî Îlhan nehat berdan û her diçe rewşa wî ber bi nebaşiyê ve diçe.

*Derket holê ku kevirên bircan ên ku dikevin hêla Taxa Ben û Sen'ê ya navçeya Sûrê ji aliyê kesên vê yekê wek firsend dibînin ve tên dizîn. Ji ber ku li hemberî vê rewşê tevdîr nayên stendin û riyên ku ji taxê derbasî nav Sûrê dibin hatine girtin, şêniyên taxê nerazîne.

*Parlementerê HDP'ê yê Amedê Îmam Taşçier ku li Silêmaniyeyê tevlî komcivîna kongreya netewî ya ji aliyê KNK'ê ve hat lidarxistin bû, anî ziman ku dê ji niha û pê ve jî li Tirkiye, Îran, Rojava, Ewropa û Silêmaniyeyê komcivîn bên lidarxistin û dê bi van komvicînan re lingê duyemîn ê yekîtiya netewî ya kurd bê temamkirin.

*Şaredariya Bajarê Mezin a Amedê ku qeyûm tayînî wê hat kirin, ji bo heman xebatên rê yên rêveberiya DBP'î ku nîvco hatin hiştin çêneke, proje guherand. Binavayiya projeyê berê hatibû temamkirin û ji ber hat guherandin niha bûye girêko û maye.

*Hat hînbûn ku li Girtîgeha Tîpa T a Xarpêtê, di dema hijmartinê de gardiyanan îşkence li 21 jinên girtî kiriye. Hat diyarkirin ku gardiyanên giliyê wan hatine kirin di parastina xwe de wiha gotine: "Ji ber ku girtiyan hevdu nuquçandiye ev morayî çêbûne."

* Cemaeta Dêra Ortodoks a Amedê guhertina demografiya bawerî û nijadan a Navçeya Sûrê rexne kirin û diyar kirin ku hevparên Sûrê tên tunekirin. Serokê Komîsyona Lêkolîna Încilê Şaban Ok, diyar kir ku Sûr berhema keda hevparee û ya tê tunekirin jiyana hevpar e.

* Nobeta Wîcdan û Edaletê ya HDP'ê ku di 25'ê Tîrmehê de li Amedê dest pê kir û li Stenbolê berdewam kir, li Parka Aştiyê ya Musa Anter startê dide. Nobeta HDP'ê ya li Wanê dê bi axaftina Koma HDP'ê dest pê bike. (12.00)

* Çalakiya kedkarên li Kolana Yukselê karê xwe dixwazin dê di roja 273’an de berdewam bike. (13.30-18.00)

* Rûniştina doza Parlamenterê HDP'ê yê Qersê Ayhan Bilgen ku 22.5 sal ceza jê tê xwestin dê li 5'emîn Dadgeha Cezayên Giran a Amedê bêdîtin. (10.00)

* 41 kesên ku Hevseroka Giştî ya ÎHD'a Stenbolê Gulseren Yolerî jî di navde di çalakiya ji bo piştgiriya Nuriye Gulmen û Semih Ozakça hatin binçavkirin dê wan îro sewqî dozgeriyê bikin. (11.00)

JÎNGEHA KEDÊ

*Desteya Koordînasyina Bajêr a Meletiyê yewmiyeya karkerên demsalî kir 47 lîre. Karkeran got ku ji bo ew wî 47 lîreyî wergirin ew rojê 14 saetan dixebitin.

JIN

*Hat îdiakirin ku E.Y. ku li şirketeke ewlehiya taybet a ku ewlehiya Midûriyeta Polîtîkayên Malbatan û Civakiyî pêk tîne, rastî êrîşa zayendî ya rayedarê vê şîrketa ewlehiyê hatiye. Tevî ku ev mijar heta darazê çû, hîn jî muduriyeta polîtîkayên civakiyî bi heman şîrketê re dixebite.

ÇAND Û HUNER

* Muzîk û stranên hunermend Aram Tîgran, li ser perwerdekarê enstrumana udê Udî Neşet Guçmen bandorek mezin dike û ew jî dest bi lêdana udê dike. Guçmen da zanîn ku Tîgran bi stranên xwe bingeha muzîka kurdî çêkiriya û got: “Hemû stranên wî ji bo muzîka kurdî veguherin klasîkekê. Heta kurd bijîn dê Aram Tîgran jî her tim bijî.”