ROJANE
* Rojnameger Melek Bozan a li Silêmaniyê civîna Kongreya Neteweya Kurd a di pêşengiya KNK’ê de pêk hat nirxand. Bozan, diyar kir ku li Silêmaniye rojeva sereke û yekane yekîtiya neteweya kurd e.
* Parêzeran biryara Wezareta Dadê ya ji dozgeran re şand û dixwaze erk û peywira parêzeran bi sînor bike nirxand. Parêzeran diyar kir ku ev biryar êrîşa mafê parastinê ye. Prz. Selçuk Kozagaçli, diyar kir ku ew jî di navde gelek parêzer 6 mehin rastî heman pêkanînê tê û ev nayê qebûlkirin.
*Serokê Komeleya 78'an Huseyin Esenturk ku di dema darbeya 12'ê Îlonê de yek ji wan kesên ku li dijî "kincên yektîpî" li ber xwe da wiha got: "Pêkanîna kincên yektîpî ew belaye ku ji îşkencekar û darbekaran maaye."
*Bi lehiyên ku li Stenbolê rabûn, gelek mirov mexdûr bûn. Sekreterê TMMOB ÎKK'yê Cevahîr Efe Akçelîk, hişyariya lehiyên nû kir. Akçelîk, dest nîşan kir ku hêz û quweteke Stenbolê ku li ber barîneke 5 rojan li ber xwe bide tune ye û wiha got: "Ev pirsgirêk bi pozdayîna li AKOM'ê ya Kadîr Topbaş û Vasîp Şahîn çareser nabin."
*Serokê Şaxa ÎHD'a Amedê Raci Bilici, der barê îşkencekirina gundiyên sivîl ku di demên dawî de her diçe zêdetir dibe de axivî. Bilici, dest nîşan kir ku êdî îşkence veguheriye asteke sîstematîk û bi vê yekê tê xwestin ku gund bên valakirin.
*Piştî şerê li Helebê ji bo gel birînên xwe bipêçin ketine nava hewildanan. Lê tişta tê xuyakirin di navbera taxên di bin serweriya Rejîma Beas, Rûsya, Îran û Hizbûlahê de û 7 taxên di bin serweriya QSD’ê de ne cudahî hene. Li aliyekî rêvebirina navendî, ji bo desthiladariyê pêvçûn û bêzarkirina gel heye, li aliyekî jî bi beşdariya niştecihên kurd, ereb, tirkmen 7 taxên bi ewleh û jiyana hevpar heye.
* Nobeta Wîcdan û Edaletê ya HDP’ê ku li Parka Aştiyê ya Musa Anter daye destpêkirin di roja 3'emîn de berdewam dike.
* Komeleya 10'ê Cotmehê, dê di 22'emîn meha pişti komkujiya 10'e Cotmeha 2015'an de li GAR'a Enqere cihê ku komkujî lê pêk hat bernameya bîranînê pêk bîne. (10.04)
* Rêxistina HDP'ê ya Îzmirê dê têkildarî Nobeta Wîcdan û Edaletê ku li Îzmirê pêk bê li avahiya HDP'ê ya Îzmirê civîna çapemeniyê pêk bîne. (12.00)
* Prof. Dr. Îbrahim Kaboglu, dê der barê komîsyona OHAL'ê de li Navenda Giştî ya DİSK'ê civîna çapemeniyê pêk bîne. (12.00)
* Çalakiya kolana Yukselê ya "Em karê xwe paşve dixwazin" ku Nûriye Gulmen û Semih Ozakça yên 155 rojin di greva birçîbûnê dene, dabûn destpêkrin, di roja 275'an de li kolana Yuskeslê bidome.
* 41 parazvanên mafên mirovan ên ji bo piştgirî dan Nûriye Gulmen û Semih Ozakça hatin binçavkiri û hatin berdan, dê li Şaxa ÎHD'ê ya Stenbolê civîna çapemeniyê pêk binin. (12.30)
* Komeleya Roboskê dê di hefteya 293’an de li ser gora 34 kesên li Roboskê di êrîşa balafirên şer ên F-16 de hatin qetilkirin bibîr bîne. (17.30)
POLÎTÎKA
*Serokomar Erdogan, hemû hesab û kîtabên xwe ji bo qezenckirina hilbijartina 2019'an dike. Li hêlekê hewl dide AKP'ê ji nû ve ava bike û li hêlekê jî dixwaze bi zext û zoriyên xwe yên li ser muxalefetê encamê wergire. Lê belê AKP'yiyê berê Abdullatif Şener jî, dibej ku beriya ku li ser hilbijartina 2019'an bê xeberdan, divê pêşî li ser ewlehiya hilbijartinê bê xeberdan.
JIN
* Li Mêrsînê Remziye Baskak a 9 mehî ducanî ji ber cezayê wê hatibû erêkirin hat girtin. Parêzerê Baskak Alî Bozan nerazîbûn nîşanî girtinê da û got ku pêwîste înfaza wê ji aliyê dozgeriyê ve bê taloqkirin.
*Parêzer Dîren Cevahir Şen der barê nîqaşên ku dê destûra marbirînê bidin miftîtiyan de axivî û wiha got: "Neyta jinan tune ye ku dev ji destkeftiyên xwe berdin. Li holê têkoşîn û rêxistinbûyîneke bi salan heye. Tevgera jinan û feminîst, li dijî hemû polîtîkayên îktîdarê yên dijminê jinan e bi piştevaniyî tevdigerin û têkoşîna xwe didomînin. Bi biryar in ku vê piştevanî û têkoşînê xurtir bikin."
JÎNGEHA KEDÊ
*Serokê Komeleya Mafên Karkeran (ku du meh berê li navçeya Tûrgûtlûyê hat avakirin) Mûstafa Derelî wiha got: "Em li hemberî xebata bê sîgorte, xebatên nerêxistinbûyî têdikoşin. Qet nebe jî em dixwazin karkeran serwext bikin. Ji bo em rêxistinbûyînê hêzdartir bikin, em bi gaveke hîn tenduristyane û hîn hêzdartir tevgeriyan."