ROJANE

* Berdevkê Hewldana 78’an Celalettin Can, bal kişand ser niqaşên "Cilên yek ren û tîp" yên dixwazin li ser girtiyan ferz bikin û wiha got: "Hemû pêkanînên ku diktatoran xistin meriyetê Tayyip Erdogan ji nûve hildiberîne û dixwaze ji nûve li ser girtiyan têxe meriyetê. Lê ev polîtîka riziya ye."

*Huqûqnasên ku dê tevlî Nobeta Wijdan û Edaletê ku dê di 15'ê Tebaxê de li Qada Gundogdûyê bê destpêkirin bibin wiha bang li hemû huqûqnasan kirin: "Li welatekî ku ewqas neheqî lê hene, lêgerîna li mafan peywira huqûqnasan e. Di dest kesên muxalefetê dikin de, ji bilî kuçeyan tu titş nemaye."

*Dê herî dawî Nobeta Wijdan û Edaletê li Îzmîrê bê girtin. Ekolojîstên li Îzmîrê ji bo nobetê wiha bang kirin: "Ji bo xwedîliderketina xweza, pêşeroj, ax, av û jiyanê em ê jî di nobetê de cihê xwe bigirin."

*Gundê Sorik ku 5 kîlometre li wî aliyê Çemê Firatê ye, ji bo avdayîna fisteqên xwe avê peyda nake.

*Rûxandina li Sûrê ya di bin navê veguherandina bajêr de hat derxistin didome. Her wiha ceryana kuçeyên ku hîn teblîxata rûxandinê ji bo wan nehatiye şandin jî hat birîn. Nişetcihên di vê kelekela havînê de bê ceryan man wiha bertek nîşan dan: "Em wan hewaleyî wijdanê wan dikin."

*Li Nexweşxaneya Dewletê ya Erxeniyê ku tim bi skandalan di rojevê de ye, vê carê jî li gel asansorên din asansorên berastengan jî bi etîketa sor in û asansorên nexweşxaneyê naxebitin.

* Nobeta Wîcdan û Edaletê ya HDP’ê ku li Parka Aştiyê ya Musa Anter daye destpêkirin di roja 4'an de didome.

* Nûnerên DÎSK, KESK, TMMOB û TTB'e bi armanca balê bikşînin ser çalakiya Nuriye Gulmen û Semih Ozakça yên 156 rojin di greva birçîbunê dene dê li Odeya Tabîban a Stenbolê civîna çapemeniyê pêk bîne. (12.00)

* Şaxa Komeleya Mafên Mirovan a Îzmirê, bi armanca piştevaniya parazvanên mafên mirovan ên hatin girtin, dê li avahiya komeleyê civîna çapemeniyê pêk bînin û kartan ji girtîgehan re bişînin. (13.30)

* Çalakiya kedkarên bi KHK'e hatin îxrackirin ji bo piştevaniya Semih Ozakça û Nuriye Gulmen ên 156 rojin di grevê dene, dê di roja 276’an de li Kolana Yukselê berdewam bike. (13.30/18.00)

JIN

*Jinên ku her çarşem li Forûma Jinan a Yogûrtçûyê tên cem hev, diyar kirin ku dema ew li cem hev bibin ew xwe hêzdartir hîs dikin û wiha gotin: "Di her warî de em piştevaniya hevdu dikin. Divê gelek jinên cuda bên û tevlî wê bibin. Em ê wisa xurtir bibin."

ÇAND Û HUNER

*Hîn jî li Rihayê lîstika gulleyê tê lîstin. Gule, bi şekirin an jî xeritandina keviran tê çêkirin. Pereyên hesinî ku li erdê tên çikandin bi guleyan yeko yeko tên xistin. Welatî tînin ziman ku, ji dêvla ew li qehwexaneyan rûnên, li derve lîstina guleyê bêtir wan kêfxweş dike.

*Pirtûka "Karanfil Mevsimi" (Demsala Qurnefîlan) ku ji qunciknivîs û helbestên rojnamger-nivîskar Akin olgûn pêk tê derket. Olgûn, nivîsên xwe yên pirtûkê wek "nivîsên wijdanî" bi nav kirin.

EKOLOJÎ

*Li gundê Taya yê Erxeniyê li ser mêrga ku ji bo sewalvaniyê dihat bikaranîn, du ocaxên keviran hatin çêkirin. Ji van ocaxan yek jê hîn jî xebatên xwe didomîne û ya din jî piştî ku karê xwe qedand, talana xwe wisa hişt û derbasî gundê kêlekê bû.