ROJANE

* CPT 6 meh berê Grava Îmraliyê ziyaret kir û hêj der barê girtiyên gravê û şertên wan de rapor aşkere nekiriye. Parlamentera HDP'ê ya Rihayê Dilek Ocalan, helwesta CPT rexne kir û wiha got: “CPT jî bûye hevkarên AKP’ê û li gorî daxwaza wan tev digere."

* Civaka elewî ku her dem di eniya demokratîkbûnê de rolek mezin lîstiye, di serdema nû de jî namzeta îtîfaka serdemanû ye. Serokê ABF'ê Muhittin Yildiz, diyar kir ku li dijî projeya întîkama polîtîkaya hezar salan tenê rêya çareseriyê yekîtî ye.

*Muzîkjen Serhad Raşa ku ji bo Nûriye Gulmen û Semîh Ozakça ji bo hefteyekê ket greva birçîbûnê wiha got: "Li vî welatî 150 hezar mirov ji karê xwe bûn. Hunermend nikarin li hemberî vê xwe li bêdengiyê deyînin."

*Endamê Desteya Rêvebir a Hewldana 78'an Zekeriya Demîrtaş ku dema di sala 1983'yan de li girtîgehên Tirkiyeyê "kincên yektîpî" li girtiyan hatin ferzkirin di girtîgehê de bû, wiha got: "Wê demê li girtîgehan bi awayekî cidî girtî li ber xwe didan. Dê îro jî heman berxwedan xwe bidin der. "

*Piştî qeyûm tayînî şaredariyên Mêrdîn û Şirnexê hatin kirin, saziyên çand û ziman dewrî kesên nêzî AKP, TUGVA û Huda-Parê hatin kirin. Bi vê yekê re der barê kurdan de çi hebe ji holê tên rakirin.

*Televîzyonên ku bi KHK'yan hatin girtin nikarin serî li komîsyona OHAL'ê bidin. Rêveberên Hayatin Sesi û TV10'ê vê yekê nirxandin û dest nîşan kirin ku ev sepandin di xwe de dustandardiyê dihebîne. Derhênerê Weşana Giştî yê TV10'ê Turabi Kişin, got ku ji bo rê li ber pêvajoya DMME'yê bê girtin, serîlêdanên ji bo komîsyona OHAL'ê tên astengkirin.

*Şewatên li Dersim û Şirnexê didomin. Bi tu awayî rayedar mudaxileyî van şewatan nakin. Ekolojîst Sergen Sucu bertek nîşanî vê yekê da û got ku, ev şewat bi zanebûnî tên derxistin û bizanebûnî mudaxlieyî wan nayên kirin. Serokê Şaxa ÎHD'a Amedê Racî Bîlîcî jî, anî ziman ku li herêmên wek Herêma Ewlehiya Taybet hatine îlankirin bi awayekî cidî binpêkirinên mafan xwe didin der û divê demildest mudaxileyî şewatan bê kirin.

*Hat diyarkirin ku leşkerên ku di dema operasyonê de bi ser malên Mezrika Aliyeyê ya Licê de girtin ji gundiyan re wiha gotine: "PKK'yî nan ji we dixwazin an?, Ji bo çi hûn tên gund?"

*Pitika yeksalî Ayşe Tûtak û pitikê 2 salî Çinar Yigit tevî dayikên xwe li Girtîgeha Tîpa T a Jinan a Tarûsê dimînin. Ji ber rûtûbeta li girtîgehê birîn di canê pitikan de derketiye û ji roja ku hatine Tarûsês heta niha ji ber ku îdareya girtîgehê pêdiviyên wan ên zexîreyî red kirine ranakevin.

*Rûxandina li Sûrê didome. Li gel vê jin hem li hemberî rûxandinê li ber xwe didin hem malên xwe naterikînin û hem jî amadekariyên xwe yên zivistanê dikin.

* Nobeta Wîcdan û Edaletê ya HDP'e ku li Parka Aştiyê ya Musa Anter daye destpêkirin di roja 6'an de berdewam dike. (11.00-11.30)

* Cejna pirozkirina tirî ya Xiristiyanan a Meryem Ana Yortusu (Astvatsadzin), dê li Dêra Dayika Meryem pêk bê. (10.00)

* Kedkarên ku bi KHK'ê hatin îxrackirin dê çalakiya "Ez karê xwe paşve dixwazim" li Kolana Yukselê berdewam bike." (13.30/18.00)

* Rêxistina DBP'ê ya Dîlokê dê li avahiya xwe civina gel pêk bîne. (14.00)

EKOLOJÎ

*Endama Meclîsa Ekolojiyê ya Stenbolê Fatoş Osmanagaoglu, der barê şewatên li bajarên herêmê de wiha got: "Tunekirina Çiyayên Qazê çi be, tunekirina daristanên Dersimê jî heman tişt e." Osmanagaoglu, dest nîşan kir ku divê gelên li rojavayê vê yekê îdraq bikin û li hemberî vê yekê têkoşîneke hevpar divê.

*Komeleya Ekolojî ya Amedê, dê der barê şewata daristanên Dersimê li avahiya komeleyê daxuyaniyê bide. (16.00)