ROJANE

*Hat diyarkirin ku li Girtîgeha Tîpa F a Kurkçulerê girtiyên ku li dijî lêgerîna bi kûçikan derketin, pêşî ew birine odeya bi sînger û paşê jî wan bi awayekî tazî anîne qawîşên wan.

*Fatin Kanat ku di dema darbeyê de li hemberî "kincên yektîpî" li ber xwe da, got ku ferzkirina "kincên yektîpî" wek mantiqa sepandina Naziyê ye û qethiyen dê girtiyên siyasî vê yekê qebûl nekin.

*Di çarçoveya rûxandinê ya di bin navê "Veguherîna Bajêr" de, dê li Sûrê mala keviriyî ya 150 saliyî ya malbata Donatê jî bê rûxandin. Malbat diyar dike ku li her derê vê malê bîranên wan hene û ew ê destûrê nedin ku bê rûxandin.

*Jinên ku di salên 90'î de bûn şehidê şewitandina Licê, gotin ku operasyonên ku niha tên kirin jî bi heman armancê tên kirin û armanc ew e ku gundan vala bikin. Şahidan, dest nîşan kir ku niha Erdogan polîtîkaya nîvcomayî ya serokwezîra wê demê Tansû Çillerê temam dike û ji wê rojê heta niha aqilê dewletê neguheriye.

*Li Taxa Şilbê ya Yenîşehîra Amedê ji ber Qenala Avê ya DSÎ'yê ku li taxê tê avakirin Kaniya Paşê zuha bû.

*Li Sêwasê zeviya ku dewletê qîmeta wê nezanî û bê xwedî hişt, welatî Mehmet Yilmaz lê xwedî derket û 17 salin xwêya kevir hildiberîne.

* Nobeta Wîcdan û Edaletê ya HDP'ê dê li Qada Gundogdu ya Îzmirê dest pê bike.

* Kedkarên ku KHK'ê hatin avêtin, ji bo dîsa vegerin karê xwe û piştevaniya Nûriye Gulmen û Semih Ozakça yên 160 rojin di greve dene dê li Kolana Yukselê çalakiya xwe berdewam bikin.

* Rûniştina doza Hevşaredara Bajarê Mezin a Amedê Gultan Kişanak û Hevseroka Giştî ya DBP'ê ya berê Sebahet Tuncel dê li 2'emîn Dadgehna Cezayên Giran a Meletiyê bê dîtin.


ÇAND Û HUNER

*Hunermendên gotin "Pêşî edalet û azadî, paşê huner" Platforma Hunermend Dimeşin ava kirin. Hunermendan dest nîşan kir ku, dema ew û gel bi hev re bin ew ê bikaribin bi ser kevin û ji bo xurtkirina piştevaniyê ew ê tim bitêkoşin.