ROJANE

*Nezahat Çetînkaya bal kişand ser pirsgirêkên tenduristiyê yên xwişka xwe Hevşaredara Dêrikê Sebahat Çetînkaya ku di Girtîgeha Sîncanê de ye û got ku, êdî girtîgeh ji bo girtiyan veguherîne malên îşeknceyê.

*Li girtîgehan vê carê jî "rînga yek rengî" hat sepandin. Parêzer Gulîzar Tuncer wiha got: "Di rînga yek rengî de hucreyeke wek qefesê heye. Paca wê tune ye û kesekî/ê tenê dixinê."

*Remziye Baskak a ducanî ku ji Girtîgeha Tîpa T a Tarsûsê tehliye bû diyar kir ku her çi qas ew bi zorê dimeşiya jî, bi awayekî kelemçekirî ew birine revîrê û wiha got: "Hefteyek berê girtiyek anîn girtîgehê. Pitika wê bi awayekî tazî di amûra X-Rayê re derbas kirin."

*Parêzer Firat Bakiroglû ku ji aliyê qeyûmê Şaredariya Farqînê ve hat peywirdarkirin, li gel belge û delîlan jî di doza kesên ku ji kar hatine avêtin de, îdia kir ku ev kes bi tu awayî di şaredariyê de nexebitîne.

*Hat diyarkirin ku li Girtîgeha Tîpa F a Kirikkaleyê destên girtiyên di hucreyan de ji paş ve tên kelemçekirin û paşê îşkence li wan tê kirin û herî dawî jî wan dixin odeyên bi sînger.

*Bi Nobeta Wijdan û Edaletê ya HDP'ê re Qada Gundogdûyê bû du beş. Di nav qada mezin de HDP'î hene û nîqaşên civakiyî û siyasî dikin, li hêla din jî kesên hay ji çalakiyê tune ne bi awayekî heyirîmayî dinihêrin.

*Li Edeneyê penaberên sûriyeyî ji neçarî bi buhayekî zêde di malên bi ritûbet û tavê nabînin de dimînin. Penaber bi pirsgirêkên tenduristiyê re rû bi rû dimînin.

*Partiya Herêmên Demokratîk (DBP), ku di hilbijartinên herêmî de 106 şaredarî bi dest xistin, piştî hikûmetê pêvajoya çareseriyê xera kir û li herêmê şer da destpêkirin bi darê zarê qeyûm tayînî 86 şaredariyan kir.

*Hat diyarkirin ku cenazeyên ji bo teshişkirinê ku li Saziya Tipa Edlî ya Meletiyê tên ragirtin, ji bo xirabtir bibin, bi zanebûnî ceyrana morgê tê qutkirin.

* Rûniştina Murat Aksoy û Atilla Taş jî di navde 13 rojnamegerên girtî tê darizandin dê li 25'emin Dadgeha Cezayên Giran a Stenbolê berdewam bike. (10.00)

* Baroya Amedê bi armanca şewata daristana li Dersimê lekolîn bike dê biçe li Dersimê lêkolîn bike. (11.00)

* Yekemîn rûniştina doza Abdî Aykut ê li gundê Xerabê Bava rastî îşkenceyê hat û hat girtin li 2'emîn Dadgeha Cezayên Giran a Mêrdînê bê dîtin. (11.00)

* Çalakiya Greva birçibûnê ya Nuriye û Semih di roja 162'an de berdewam dike. Kedkarên ku li kolana Yukselê bi silogana "Em karê xwe paşve dixwazin" jî dê çalakiya xwe di roja 282'an de berdewam bikin. (13.30-18.00)

* Malbatên Roboskê dê di hefteya 294'an de li ser gorên 34 kesên di êrîşa balafirên şer ên TSK'ê de jiyana xwe ji dest dan daxuyaniyê bidin. (18.30)

EKOLOJÎ

*Kêşana belgefîlma "Suyun Olum Tarihi" (Dîroka Mirinê ya Avê) ya der barê Heskîfê de qediya. Derhênerê belgefîlmê Ali Ergul, got ku armanca wî ew e ku hafizeya dîrokî zînde bihêle.

ABORÎ

*Li Rihayê binavayiya çarşiya ku di nav platoya Gola Masiyan de ye 3 roj berê rûxiya û ji ber vê rûxandinê ne turîstên biyanî û ne jî yên xwecihî nikarin serdana çarşiyê bikin. Esnafan got ku hindik maye îflas bikin.

ÇAND Û HUNER

*Pirtûka helbestan "Bêrîrihê" ya nivîskar Mahîr Bagok ku li Girtîgeha Tîpa E ya Mêrdînê grtiye ji Weşanên Avayê derket. "Bêrîrihê" pirtûka 6'emîn a Bagok e.