ROJANE

*Şaredariya Bajarê Mezin a Wanê ku qeyûm tayînî wê hatiye kirin di bin navê "Em 238 dibistanan nû dikin, em li Wanê seferberiya lênerîn-tamîra 238 dibistanan didin destpêkirin" de budçe veqetand. Serokê Meclîsa Şaredariya Bajarê Mezin Cahit Bozbay bertek nîşanî vê rewşê da û wiha got: “Tamîrkirina 238 dibistamam kulfeteke cidî ye. Ev jî pereyê gelê bajêr e û ji bo qadên cuda tê bikaranîn. Ev yek nayê qebûlkirin."

*Berdevkê HDP'ê Osman Baydemir bal kişand ser tecrîda li ser Rêberê PKK'ê Abdullah Ocalan û wiha got: "Tecrîd faşîzm e. Tecrîd tê wateya israrkirina di şer de, israrkirina di pevçûnan de."

*Li Liceyê dîrîreşkên ku li qeraxên hemû çem û robaran dîmeneke bedew didin der, ji aliyê jinan ve tên berhevkirin û rîçala wan tê çêkirin.

*Piştî ku avahî û îbadetxaneyên suryaniyan ji aliyê walîtiyê ve tescîlî xezîneyê hatin kirin fikareyên suryaniyên Mêrdînê zêde bûn û ditirsin ku dubare bi êş û azarên wek ên berê re rû bi rû bimînin. Suryanî ji bo vegerên Ewropayê veneguherin vegerên mayînde dixwazin nêvenga aştiyê bê peydakirin.

*Malbata Îlter ku ji ber zext û zoriyên leşkeran ji navçeya Berwarî ya Sêrtê koçî Dîlokê kir, piştî koçkirinê bi 4 mehan keça wan jî di nav de 13 xizmên wan di komkujiyê de jiyana xwe ji dest dan.

*Xwendekarê Beşa Rojnamegeriyê ya Zanîngeha Dîlokê Ozgur Sevim di çarçoveya bernameya guherandina xwendekaran de li zanîngeheke Romanyayê bi cih bû. Lê belê Muduriyeta Polîsan a Dîlokê teblîxateke "neyînî" ji zanîngehê re şand û ev teblîxat ji aliyê senatoya zanîngehê ve hat qebûlkirin û perwerdehiya Sevim hata astengkirin.

* Dayikên Şemiyê, bi armanca aqûbeta windayan bipirsin û kujer bên darizandin dê di hefteya 647'emîn de li qada Galatasarayê çalakiya xwe berdewam bikin. (12.00)

* Xizmên windayan û Şaxa ÎHD'ê ya Amedê di hefteya 445'emîn de bi silogana “Bila winda bên dîtin faîl bên darizandin" dê li avahiya ÎHDê ya Amedê çalakiya rûniştinê pêk bînin. (12.00)

* Şaxa ÎHD'ê ya Îzmirê ji bo balê bikişînin ser rewşa girtiyên nexweş dê di hefteya 396'emîn de çalakiya rûniştinê pêk bînin. (13.00)

* Komîsyona Girtigehan a Şaxa ÎHD'ê ya Stenbolê dê di hefteya 2812'yemîn de çalakiya "Rûniştina F" pêk bînin. (13.30)

JIN

*Dê îro TJA starta kampanyaya "Dê Tecrîd Winda Bike, Azadî Bi Ser Keve" bide. Gulsun Biter ku di Komîsyona Koordînasyona kampanyayê de cih digire wiha got: "Dê jin tecrîdê birûxînin û em ê azadiya xwe bi dest bixin." Biter banga xwedîderketina li kampanyayê li hemû jinan kir.

POLÎTÎKA

* Parlamentera CHP'ê yê Îzmîrê Zeynep Altinok diyar kir ku daxwaza edaletê ya li Tirkiyeyê veguheriye raperînê û bal kişand ser nîqaşên "girtina" Serokê Giştî yê CHP'ê Kemal Kiliçdaroglu û aşkera kir ku ew ihtimalê nade tiştekî wiha, lê li Tirkiyeyê her tişt pêkan e.

JÎNGEHA KEDÊ

*Li gundê Balekayê gundî bi palûteyî alîkariya hev dikin. Şêniyên gund her roj li nav zeviyên gundiyekî dixebitin.

ÇAND Û HUNER

* Gernas Koçer. Xwediyê helbesta “dayê daye” ku tê gotin muzîka wê hatiye dizîn û li strana Mustafa Yildizdogan a “Olurum Turkiyem” hatiye barkirin e. Gernas Koçer, diyar kir ku wî ligel Koma Niştimanperwer di sala 1990’î de kaseteke korsan derxistiye û ew melodî aîdî wê stranê ye û got: “Melodiya wê li herêma Botanê gelek tesir li ser gel dikir. Ewan jî muhtemelen gotin 'madem hûn bi van stranan şoreşê gur dikin, em ê jî bi vê melodiye faşîzma xwe gur bikin.”