ROJANE

*Li Girtîgeha Tîpa T a Jinan a Tarsûsê, sepandina "tevlîhev bike-li hev bîne" ket dewrê. DAIŞ'î xistine qawîşên girtiyên ji doza PKK'ê û rêxistinên çepgir girtîne.

*Parêzerê welatiyên Şapatanê yên leşker û polîsan ew îşkence kiribûn, Sebahattîn Yilmaz diyar kir ku li 5 minareyên mizgeftên gund MOBESE hatine bicihkirin û wan der barê van MOBESE'yan de li dozgeriyê serlêdana sûc kiriye.

* Ayten Ekîncî ya Ermenî ku 50 salin li Sûrê dijî, diyar kir ku bavê wê li Sûrê bi salan di nava hefteyê de li mizgeftan kursên Quranê, di dawiya hefteyê de jî li dêrê tev li ayînan dibû. Ekîcî anî ziman ku ji ber ruxandina Sûrê û windakirina şopên dîrokê dilê wê diêşe.

* Çalakiya Kolana Yukselê ya kedkarên karê xwe dixwazin dê di roja 286'an de bidome. (13.00-17.00)

* Kedkarên KESK'î yên bi KHK'ê hatin dûrxtin dê li Kadikoy û Bakirkoya Stenbolê çalakiyê pêk bînin. (15.00/19.00)
JIN

*Dadgehê cezayê "hepsa malê" da C.S.'yê ku A.Y.'ya 15 salî îstismar kir. Parêzer Sevil Araci Bek îtirazî vê rewşê kir û got ku, ji bo C.S. bê girtin wan serî li dadgehê daye.

*Jinên penaber ên sûriyeyî, di projeya KADAV'ê ya bi dirûşmeya “Jin welatê jinê ye” tên gel hev û bi hilberîna karê destan şopên şer dinexşînin.

EKOLOJÎ

*Li Taxa Esenlî ya Akdenîza Mêrsînê, Şîrketa Anonîm a ÇÎMSA'yê hewl dide ji bo ocaxa keviran riyekê çêbike, lê belê niştecihên taxê ji vê rewşê nerazîne. Şêniyên Esenliyê dest nîşan kirin ku ji ber ocaxa keviran zeviyên wan û bîrên wan ên avê bi tunebûyînê re rû bi rû ne.

JÎNGEHA KEDÊ

*Endamê Meclîsa ÎSÎG'ê Murat Çakir dest nîşan kir ku li gorî daneyên 7 mehan ên sala 2017'an, li Tirkiyeyê 190 karkerên çandiniyê jiyana xwe ji dest dane û wekî mînaka dawî jî mirinên li Sakaryayê nîşan da. Çakir aşkera kir ku dewlet li hemberî mirina karkeran xwe li nedîtinê datîne.