ROJANE

* Di dîmenên kameraya polîsan de derket holê ku polisên li Manîsa bi ser malekê de girtin, di lêgerîna malê de zêrên malê û 400 TL pereyên malê dizîn. Piştî endamên malbatê polîsê diz ku di kamerayên polîsan de jî hat qeydkirin ferq kirin û der barê polîs de doz vekirin, dozger bi daxwaza 10 sal cezayê girtîgehê doz vekir. Polîsê ku zêr û pereyê malbatê dizîn piştî lêpirsînê 2 rojan di bin çavan de ma, li dadgehê serbest hat berdan û ji peywirê girtin.

* Abdî Aykut ê li Gundê Xirabê Bava di 2'ê Adarê de hat girtin û di 17'ê Tebaxê de hat berdan, îşkenceya 14 rojan li wî û gundiyan hatiye kirin vegot. Aykut wiha got: "Di hewaya sar de em li pişt panzêrê girêdan û bi erdê re kişanin. Hêj ji ber îşkenceya li min hat kirin û şopa wê li ser bedena min heye nikarim li ser piyan rawestim.

* Yekîneyên xerakirinê li Taxa Lalebey a Sûrê li gel ku biryara xirakirinê tuneye jî, xwestin malekê xirab bikin. Xwediyê malê bertek nîşan da û got: “Ez ji mala xwe dernakevim, kerembikin bi serê min de xirab bikin” û deriyê malê ser xwe girt. Ekîbên xirakirinê, paşve gav avêtin û xirakirina malê rawestandin.

* Rêveberê Komeleya Parastina Jiyana Xwezayî Emîn Bulut bertek nîşanî rûxandina Keleya Derbxanê ya Heskîfê da û aşkera kir ku li Newala Sahê de gorên 366 sahabe, neviyê Hz. Muhammed û biraziyê Hz. Elî heye, piştrast kir ku ev êrîş di heman demê de li dijî baweriyan jî pêk tê.

*Met û cîranê Lorîna 3 salî li wê mêze dikin, pîra wê ya ku ji wê re dayiktiyê dike û kalê yên girtî ne, Lorîn ji bo wan bibîne heftê de 2 caran diçe Girtîgeha Tîpa T a Wanê.

* 40 malbatên Sûriyeyî yên ji şer reviyan û hatin Wanê, nêzî 2 sal û nîv in li kargeriyek ku ji çop û qirêjiyê mirovnikare lê bijî dijîn. Penaberên ku li vê navenda kar dijîn ji ber ritûbetê nikarin nefes bistînin.

* Karkerên çandiniyê yên di demsalên havînê de ji bo findiqan berhev dikin tên Sakaryayê, gelek zarok, kal û pîr di nav wan de cih digirin. Welatiyan got ku "Li Cizîrê derfetên kar hebûna em ê nehatana vir." Karkeran bal kişand ser şertên kar û kêmbûna heqdestiyên xwe û aşkera kirin ku tekane hêvjiya wan aştî maye.

* Bi destpêka OHAL’ê re Ozgurlukçu Demokrasî dest bi weşana xwe kir û salek li pey weşangeriya xwe hişt. Edîtora rojnameyê Rojda Korkmaz der barê rojnameyê de wiha got: “Li gel hemû zext, girtin, binçavkirin û girtinan em ê xwe bigîhînin gel.”

* Çalakiya greva birçîbûnê ya Akademîsyen Nûriye Gulmen û Mamoste Semîh Ozakça di roja 167’an de berdewam dike. Parêzera Gulmen û Ozakça Ayşegul Çagatay, diyar kir ku êdî rewşa tenduristiya muwekilên wê nebaş e û Nûriye ji ber tenduristiya xwe ji ronahiyê bêzar dibe. Bijîşkan jî diyar kirin ku dê camên bi perdeyên tarî çêkin.Çermê wê diweşe.

* Li Geliyê Îmrahorê patronên hespan ji bo pereyan qezenç bikin keyfa mirovan bînin, serê tûra 30 metreyan 10 TL distînin. Ji ber ku patronên rojê 80-90 tûran bi hespan didin avêtin, li ser pişta hespan birînên mezin çêbûne û li hespan îşkence tê kirin.

* Zaroka 12 salî G.K. ya ji derenceyan ket û rakirin Nexweşxaneya Tipê ya Dîcleyê, bi hinceta ji derziyê ditirse rastê îşkenceya bijişkan hat. Bêyî G.K. derman bikin ji nexweşxaneyê derxistin.

* Şaxên Komeleya Mafên Mirovan (ÎHD), Platforma Hiqûqnasên Azadparêz, (OHP), Komeleya Hiqûqnasên Hemdem (ÇHD), Vakfa Mafên Mirovan a Tirkiye (TİHV) yên Îzmirê dê li dijî daxwaza cilên yek rengî yên li girtîgehan daxuyaniya hevpar bide. (13.00)

* Çalakiya Kolana Yukselê ya "Em karê xwe paşve dixwazin" dê li Kolana Yukselê di roja 289'an de berdewam bike. (13.30/18.00)

POLÎTÎKA

* Serokomar Erdogan piştî bi awayekî fermî bû Serokê AKP'ê êdî di her civînan de qala "Metalê westiyayî dike û dixwaze hemû rêveberên AKP'ê ji nûve biguhere. Piştî Erdogan gotina "Metalên westiyayî" anî rojevê, tasfiyeya navxweşî dest pê kir û gelek serokên AKP'ê yên bajaran îstîfa kirin. Gelek wezîr hatin guhertin. Têkildarî vê mijarê Sazumankarê AKP'ê Ertugrul Yalçinbayır, bertek nîşanî helwesta Erdogan a "Metalên westiyayî" û "Rêya xwe şaş kirine" da û wiha got: "Yên ku rêya xwe şaş kiriye ne em in. Yên ku wekî "Metalê westiyayî" ne em in. Evana tev ew bi xwe ye.

ÇAND Û HUNER

* Qeyumê AKP’î Atolyeya Zîv a Sewad ku bi hostayên jin hat avakirin, hunara Sevat a aydê Wanêyê, kilîdê depoyek tarî hat kirin.