ROJAN

*Xebatkarê Şaredariya Avcilara CHP’ê Ozgur Demîr, ji ber nekarî kira malê û fatureyan bide, xwest întîxar bike. Demîr diyar kir ku sê mehin mûçeyên xwe negirtiye û hêviya wî ji tu kesê nîne, tenê mafê xwe dixwaze.

* Esnafên Tarsusê ji ber li Sûka Tenekevanan 2 salin xebatên restorasyonê tên kirin, hatin asta îflasê. Esnaf dixwazin demek berî demekê xebat bi dawî bibin û zerara wan bê dayîn.

* Hunermenda Şanoyê Defne Halman ku hefteyek berê ji bo piştgiriyê bide Nûriye Gulmen û Semîh Ozakça, ketibû greva birçîbûnê, diyar kir ku di serdema wisa de bêdengî îxaneta li dijî pêşerojê ye.

* Osman Şefîfî yê 17 salî li Afganistanê ji ber şer û zextên Talîban revî Îranê. Piştre ji bo jiyanek hêj baştir revî Tirkiyeyê. Şerîfî piştî rewşa li Tirkiyeyê dît, got ku "Ez ji Afganistanê ji baranê revîm, li Tirkiyeyê rastî zîpikê hatin."

* Girtiyên ji doza PKK û PAJK'ê yên li Girîgeha Elbîstanê dimînin, diyar kirin ku Sûr evîn e, jiyanek demokratîk e û gotin ku li dijî rûxandinê rawestin û banga xwedîderketinê kirin.

* Xebatkarê Kovara Ozgur Halkê nexweşa crohn Devrîm Ayik piştî li Îzmîrê hat emeliyatkirin, sîrgûnê Girtîgeha Tîpa T a Antalyayê hat kirin. Listeya dîyetê ya doktor da Ayik bi cih nayê anîn û dermanên wî nayên dayîn.

* Pîrejina bi navê Kevser Zengîn beşeke zêde temenê xwe li taxa Alîpaşa ya Sûrê derbas kiriye. Dayikê aşkera kir ku ew ji derveyê Sûrê nikare li cihekê din bimîne.

* Malbatên Roboskê ku balafirên şer 34 xizmên wan qetil kirin dê di hefteya 295'an de li ser gorên zarokên xwe daxuyaniyê bidin û edaletê bixwazin. (17.30)

* Çalakgerên kolana Yukselê dê di roja 289’an de dîsa ji bo piştgririya Nuriye Gulmen û Semih Ozakça yên 169 rojin di greva birçîbûnê dene çalakiya xwe berdewam bikin. (13.30/18.00)

POLÎTÎKA

* Serokê AKP'ê Tayip Erdogan bi gotina “metalê westiyayî", ji bajarên kurdan dest bi tasfiyekirina rêveberên berê yên AKP'ê kir. Di serî de li bajarên Kurdistanê serokên AKP'ê îstîfa kirin. Parlamenterê HDP'ê yê Mêrsînê û Sazumankarê AKP'ê yê berê Dengir Mir Mehmet Firat, diyar kir ku ew ne westiyane ne riziyane û wiah got: "Erdogan piştî bêhna rizîn û xerabûnê girt, got 'Ev tevgera xwêkirinê ye. Lê êdî xwê jî bêhn dide. Rizîna dest pê kir dê bidome.

* Parlamenterê HDP'ê yê Amedê Îmam Taşçier diyar kir ku yekitiya neteweyî ya kurd, rayeyeke hevbeş e, da zanîn ku xebatên ji sala 2013'an ve tên meşandin, serkeftî ne û wiha got: "Kurd gav bi gav berbi yekitiyê ve diçin."

* Sekreterê Weqfa Aştiyê Hakan Tahmaz diyar kir ku li Tirkiyeyê heke aştiyek pêk bê divê Ocalan bikeve dewrê û wiha got: "Ji bo aştiya li Tirkiyeyê divê pêşniyara Ocalan a heyeta çevdêriyê bê sazkirin."

EKOLOJÎ

* Li Mêrsînê bi destê rayedarên AKP’ê perava li Parka Tabîatan a 100. Yil ji betonkirinê re hat vekirin, dê jiyana reqên behrê Caretta Carettayan bi tunebûnê re rû bi rû bimînin.

ÇAND Û HUNER

* Li Zozanên Oledirî yên Colemêrgê welatiyên sewalkariyê dikin Şahiya Berxbirê li dar xistin û behsa çanda berxbiriyê kirin.

* Çalakiya "Em karê xwe dixwazin" 289 roj e dewam dike, çalakiya greva birçîbûnê ya Nuriye Gulmen û Semîh Ozakça jî di roja 169’an de ye. Çalakiya berxwedêran dê îro jî bidome.(13.30/18.00)